أربعه إنطيتك ...ترد يا ريتك

نوح و حسره ...يبن الزهره

ترد يا ريتك

من رحت يبن المصطفه اوداعك فطر دلالي

جنت أطلب من الله العمر حته أخدمك يالوالي

ودعت وياك القلب وودعت حته آمالي

و تدري انت لو راح الأمل أنتظر كون آجالي

و هاي المصيبه ...ابداري و غريبه

ابصدري الجمره ...يبن الزهره

يا لوعه أقدر يالولي من فرقتك أخفيها

قصتي صفت نوح و دمع لاجن منو اليرويها

حسراتي تدوي ابكل وكت و غيرك فلا يحصيها

يا ريت روحك تنفدي ابروحي جنت أفديها

فدوه لك روحي ...و تبرد إجروحي

منك نظره ...يبن الزهره

يا شمس داري و دنيتي و يا سند بيتي و ظهري

عقبك شسوي بالعمر يالبيك أعدد عمري

وياك أخذت العايله ظلت مدامع تجري

اتصور يبن خير العمل بعدك أظل وي دهري

و دهري إمتانيني ...ابهضمه يسليني

و تعرف بأمره...يبن الزهره

يا قمر ليلي من يجن يا نور كل اسنيني

بعدك وحيده ابلا أهل و ضيفي يصير اونيني

ما خذت انت العايله ماخذ تره اصبي عيني

راح أبقه بهموم القدر و أدري القدر يوليني

و أنتظر يومي ...دمعي و اهمومي

من هالسفره ...يبن الزهره

هالليله مطلوب الدمع و إدموعي كون أجريها

أم البنين الأربعه الفقدت عزيز اعليها

وين اليجي ايقدم الدمع ايواسيها و يسليها

توقف إله وكت المحن و الحاجته تقضيها

أم قمر هاشم ...حامي الفواطم

أم للفُقره ...يبن الزهره

يا من وفيت ابكل عهد و حفظ العهد من شانج

و قدمتي أغله من الذهب أربع بدور أعوانج

ما وفه وياج الدهر ما رحم بيج و خانج

أسأل من الله الأجر و هوه اليواسي أحزانج