كل شعايرنه فلا ننساها إنعيش يحسين و نموت إوياها

المذنب إبهاي الشعاير خل يتوب كل شعيره يعني غفران الذنوب

كلمن إيعظمها من تقوه القلوب الله خّصها بآيته و علاها

إحنه بإسمك يبو اليمه إمولعين امنه ربتنه يحبل الله المتين

إحنه و إزغار و ننادي يا حسين جلمه بيضه إهواي رددناها

بينه موجات العشق ما تنحزر لمن نلطم حيل و إندق الصدر

إبخيلهم نذكر ضلوعك تنكسر زينب إسياط الشمر مشّاها

مشت زينب بالمدامع و العذاب من أرض كربله و الديرة أجناب

إحنه نمشي أُسوةً بأم المصاب هالشعيره هاك إخذ معناها

ليك من نمشي نواسي حيدره نذكر الحره مشت متيسره

ما تخوفنه المنايه إشما جره هالشعيره إهواي حبيناها

إحنه لمن نضرب الزنجيل نار مو خرافه و هذي للشيعه وقار

نذكر إسياط الغرب ليل و نهار إبمتن زينب و إحنه ترجمناها

هاي مو بدعه يبو اليمه و نعوف لمن نضرب راسنه إبراس السيوف

هاي زينب ضربة إبوادي الطفوف راسها إبمحمل و سال إدماها

إبكل وكت يعله يبو السجاد صوت كل شعيره إشما علت حظها السكوت

هالشعائر لأن بإسمك ما تموت إنعيش يحسين و نموت إوياها