خالد يحسين إنت الخالد نقره و بالتاريخ إنشاهد

يا صرخة حب عاشت بينه إبقرآن إحروفك صلينه

وي جف الموت إتلاوينه محبوبي و غيرك ما رايد

ما تسوه إبدونك دنيانه يالإسمك عايش ويانه

مرضعنه إبحبك دلانه جوف المنحر ليك إيعاهد

إنت الدنيه و كلما بيها كل خطوه القبرك نمشيها

و راية عباس إنعليها و من قبرك نتحده الحاقد

رادونه إنعوف إزيارتنه ما نمشي إزحوف الهيبتنه

إبعاشور إتعلت صيحتنه واحد إنطه الرايه الواحد

يحسين إبحبك لامونه قالوا كفار و تهمونه

ما نتغير لو ذبحونه و بقبرك موجود الشاهد

غايتنه و معروفه الغايه و ما طاحت من جفه الرايه

نتعنه القبرك مشايه و عباس الزوارك قائد

أتفداك إبدمي الغالي و أصرخ يا كعبة آمالي

حبك تاج الراس العالي تحكم و إنت إبقبرك راقد

لليوم إعداك إيهابونك ظنوا بالعاشر ينهونك

خالد ظليت إيشوفونك باقي إبطول الدنيه إتجاهد