كل حر يا زينب ناداكم نستشهد يا ريت إوياكم

نصرخ شيعه و ما ننساكم طريق حسين غايتنه و تبعناه

قبرج بالغربه إينادينه و إعليج الغيره إتدلينه

إبراية عباس إتعنينه صده المجروح من يهتف سمعناه

يم قبرج نصطف يا زينب فنه اليوصل يمه و يقرب

سيف الشيعه إنصيح إمجرب حجر سجيل و العايل رجمناه

ههيات الدنيه إتغيرنه يشهد ماضينه و حاضرنه

يم زينب يرخص منحرنه شعار حسين الكل حاقد سحقناه

ما يوم إنعوف إمحبتنه تشهد يا زينب غيرتنه

شيعه و ما نخلف كلمتنه وسط كل عين هالمرقد حفظناه

و إنتي إبلحدج يا مظلومه رد الشمر إعليج و قومه

نبشوا حجر و شفنه إعلومه و هتاف الموت لليحصل هتفناه

كل الما صارت سووها سيرة بن جوشن عادوها

قبة عمار إيفجروها ينادي الثار بينه و ما نسيناه

من دم حسين إتعلمنه لحدود الحق ينزف دمنه

عباس إيظل حاضر يمنه سور قرآن وادي الطف قريناه