احسين يا روح البتول الطاهره إنته يمولانه دنيه و آخره

آخره و دنيه محبتك يا شهيد ابدنيه بيك الملتزم عايش سعيد

و آخره منجاته من يوم الوعيد يا حبيب المصطفه خير الوره

يا حبيب المصطفه و روح البتول الدنيه هاي اتزول حبك ما يزول

يا من بيك احتارت أرباب العقول ما نره مثلك يضامي ما نره

ما نره مثلك يضامي و لا نشوف شخص مفرد مثلك اتحده الألوف

بالطفوف اشلون و قفه البلطفوف خلت الألباب لسه حايره

اشلون وقفه الخلت اعيون المله من بقاع الكون تربي الكربله

يا هو مثلك اسمك بالكون اعتله من بعد ما طاح اعله الثره

يا غريب اشتهر مثلك بالإسم يا شهيد اتخلد ابروح و جسم

و يا جريح الجرحه شفه و تبتسم غيرك شخصك يبو القبه الزاهره