إبكربله نلقاها نلقاها نلقاها و الزجيه إوياها إوياها إوياها

تظل بين القمر و حسين موجوده تنادي لمت الأحباب مريوده

تجي يم الكفيل إتقبل إزنوده ترد لحسين إبنها شايله جوده

و القمر حياها حياها حياها و الزجيه إوياها إوياها إوياها

عله تل المصايب دوم منتظره مثلما وقفت الحوراء متحيره

تنادي يا حسين القلب شيصبره مثل زوار إبنها دوم بالحضره

و المحب ناداها ناداها ناداها و الزجيه إوياها إوياها إوياها

تظل تستقبل الزوار ملهوفه هله بالقال أبو السجاد ما عوفه

بيديها بيرغ العباس و إجفوفه تره وناتها يا ناس معروفه

و الزمن أذاها أذاها أذاها و الزجيه إوياها إوياها إوياها

إذا أم البنين إتروح يم حسين تروح أم الحسن يم صاحب الجفين

إذا قعدن سوه زينب يسألن وين يروحن للمخيم و الدمع بالعين

و الدمع سلواها سلواها سلواها و الزجيه إوياها إوياها إوياها

إذا زينب إجت يمهن يسألنها تسولف عن مصاب الطف يريدنها

تظل تشرح مصايبها و يسمعنها ينصبن مأتم و هنّ يواسهنا

و القمر واساها واساها واساها و الزجيه إوياها إوياها إوياها

مواقف للبطوله ما نسيناها تظل قلعة وفه و الباري علاها

إذا مسّنا الحزن و الهم ذكرناها تصيح حسين و إحنه إنصيح وياها

و الله ما ننساها ننساها ننساها و الزجيه إوياها إوياها إوياها

تظل تتفقد الزوار كل جمعه تشارك بالونين و تنظر الدمعه

تره كلمن يسولف حاجته إتسمعه إذا مر الخطر عالزاير إتمنعه

و اليجي بحماها بحماها بحماها و الزجيه إوياها إوياها إوياها