كسروا ضلعي واعلياه...و جرى دمعي واعلياه

لطموا خدي و عيني...أسقطوا مني جنيني

هذي صرخات الوديعه و هي خلف الباب تنحب

وينه قالع باب خيبر إعليَّ باب الدار تلهب

وينه المجندل عمرها العامري و جتال مرحب

يمته تغتاض و تجيني و بيدك الفقار يغضب

لُذتُ ببابي واعلياه...دونَ حجابي واعلياه

أيُ حزنٍ يعتريني...أسقطوا مني جنيني

و إعله عيني إبكل صلافه المجرم إبجفه سطرني

واحد إبسوطه ولاني وسم إبضرباته متني

و إنت تسمعني أنادي لمن الطاغي عصرني

أصرخ إدركني يحيدر و خيبت يا وسفه ظني

يعلوا نِدائي واعلياه ...هذا رجائي واعلياه

أنتَ مكتوفُ اليدينِ...أسقطوا مني جنيني

إبرجله باب العز رفسها و آنه خلف الباب يدري

و يسمع الطاغي إبصرختي من وله المسمار صدري

و من طحت فوق الوطيه إجنيني أنظر طاح كتري

إخذيني قمت أصرخ يفضه هتكت الأشرار ستري

خذني إليكَ واعلياه...بينَ يديكَ واعلياه

ضجَ قلبي بالأنيني...أسقطوا مني جنيني

يا علي إبيا حاله شفتك إمجتف و محد يحشمك

إيقودك اللي جان يرجف لو عليه مر طاري إسمك

بيك كلها إتلوذ جانت و بالحرب محد يقحمك

خلو عن حيدر أنادي و جن و لا يسمعني خصمك

قادوكَ قسراً واعلياه...ظلماً و جوراً واعلياه

قلتُ من قلبٍ حزينِ...أسقطوا مني جنيني

أبجي ليل إنهار و أنحب و قلبي ما يهجع ونينه

إبدار الأحزان أجري دمعي يا علي بره المدينه

قالوا أتأذينه فاطم بالبجي و طوله و حنينه

إستطعفتنه الناس تالي من بعد عز العلينه

بغضاً جفونا واعلياه...و إستضعفونا واعلياه

فجعوا قلبَ الأمينِ...أسقطوا مني جنيني

يا علي صرنه يتامه من عقب سيد البريه

عمري يا حيدر تطشر و هالدنت ليَّ المنيه

و همك و همي حملته و جارت الدنيه عليه

راح أودع كل حياتي و أرد أوصيك إبوصيه

إدفني سراً واعلياه...أُوصيكَ خيراً واعلياه

باليتاما من بنيني...أسقطوا مني جنيني

لا تجرد إثياب أطلبك من تغسلني يحيدر

ما أريد إتشوف متني و تنظر الضلع التكسر

باري أطفالي اليتامه إمن الحنان إرويهم أكثر

و الغصب حقي و ظلمني دفنتي ما ريده يحضر

فجعوا قلبي واعلياه...أشكو لربي واعلياه

آهِ من هولِ السنينِ...أسقطوا مني جنيني