ضلع الزهره الزهره ...يا حيدر يتكسر

و إنت إتشوف إبعيناك...أم الحسن تنخاك

ضلع الزهره الزهره ...يا حيدر يتكسر

هذا العتاب إنوجهه يا كرار...من قلب شاجر تلتهب بيه النار

لوعة قلبنه و حسره يا حامي الجار...نتألم من إيذكرون إصواب الدار

تبجي الشيعه الشيعه ...و تتذكر الآلام

و المدمع ليل إنهار...يجري إعله أم الأطهار

ضلع الزهره الزهره ...يا حيدر يتكسر

يا بحر غيره واسع إبلايه حد...يا ذخر أبو طالب للهادي أحمد

يا فارس بدر كلها إبزودك تشهد...يا كاشف كرب المختار إبيوم إشتد

و تشهد خيبر خيبر ... يميدب زلمها

بابه إتشيله و متهاب ...و تعجز عن هذا الباب

ضلع الزهره الزهره ...يا حيدر يتكسر

يا من حجه عنك التاريخ و قال...ما يرجف قلبك يا علي بالأهوال

شمرة يمينك منها ترجف الأبطال...جا وين جفك جانت عن الأنذال

جيش الهادي الهادي ... زندك إله معبر

جفك رد الكفار...و ما رد هجوم الدار

ضلع الزهره الزهره ...يا حيدر يتكسر

تنخاك إبلوعتها المظلومه الزهره ...نخوة تهلها إعله الوجن مو عبره

يالما يجل وكت الشدايد مهره...إتناشدك يا واليها إبلوعه و حسره

وين الفزعه الفزعه ...صاحت المظلومه

إبصدري هذا المسمار...ماذيني يا كرار

ضلع الزهره الزهره ...يا حيدر يتكسر

حامي الدخيل الوادم إيسمونك...تجدح غيره و شرف يا حيد إعيونك

من هجموا إعليه و جانوا يردونك...عفت الدخيل و قاموا إيجرونك

حيدر ينجر ينجر ...ما جانت ببالي

إيعوف إدخيله إبهالحال...و يشاهد دمه سال

ضلع الزهره الزهره ...يا حيدر يتكسر

ماني وديعة والدي يا حيدر...عندك أمانه امن الرسول الأطهر

إشلون إصبرت من شفته ضلعي إتكسر...إشلون إدفنت محسن الشفته إمعفر

تنظر دمي دمي ... يجري و ما تحضرني

يا الما ترد طلاب...إتردني شنهو الأسباب

ضلع الزهره الزهره ...يا حيدر يتكسر

عذريني يا بنت النبي عذريني...هذا العتب يم الحسن ياذيني

كفي العتب لا تلوميني...بالصبر والدج طاها إموصيني

هذا أوصيه أوصيه ... يا زهره إمن الهادي

نصبر إعله الالام...لجل حفظ الإسلام

ضلع الزهره الزهره ...يا حيدر يتكسر