صوت من يثرب يخاطب للرسول يا رسول الله إنكسر ضلع البتول

صوت يهتف يم قبر طه و يصيح إشلون تحت إتراب لحدك تستريح

قوم شوف أول ضلع و أول ذبيح و عله الباب و عالترب دمهم سيول

صوت يهتف يا ملاذ الكائنات ريت قبلي اليوم وافاني الممات

شلي إبعمري و شنهو ظل إبهالحياة ووردت الزهراء صابتها الذبول

إبثرب إتمنيت هالصوت الحزين إينادي بيه حيدر أمير المؤمنين

البضعتك إنظر يتاج المرسلين و صوت حيدر حيّر أصحاب العقول

قلت لي إصبر يا علي إبكل الظروف و لا تجرد صارمك مهما تشوف

و قابل الفتنه إبصبر مو بالسيوف و خلي صبرك أمضه من حد السيول

لون ما وصيت يا خير الأنام جان أخلي إنهارهم يصبح ظلام

الحاله ما يوصفها يا طه الكلام و بمصيبة فاطمه حاير شقول

و صوت ثاني إرتفع من وادي الأمير و خله يثرب كلها بالموقف تحير

إتنادي يا جداه و الخاطر كسير و خلت أملاك العرش كلها إبذهول

إتنادي يا جداه وين الصبر وين و أمتك كسرت ضلع أم الحسين

و هذي شمس الله و ضياء الفرقدين يم ضريحك تختفي و الضي يزول