غضب رب العباد .. نزل برض السواد

صارت الكعبة اسيرة ...وابرهه يم المقام

لن خليل الله ينادي... يا گمر هاشم سلام

للگمر سيف الغضب بالطف نزل...صار بيمينه و ابن حيدر حمل

هالله هالله يا زعل شايل زعل...و ارتجز حي على خير العمل

دوت نار العذاب .. مثل يوم الحساب

زينب بصوت الزچية... حشمت من الخيام

لن خليل الله ينادي... يا گمر هاشم سلام

هجموا السبعين الف كلهم سوه...اخو زينب شايل بچفه اللوه

ظلمة صارت عالنهار بلا ضوه...ضاگت الوسعه و يدورون الهوه

نده وين الرجال .. تعالوا للقتال

حيدر يعاين شبيهه ...و يبتسم سيد الانام

لن خليل الله ينادي... يا گمر هاشم سلام

شال جوده و عالنهر گال الوعد...و الحرس من شاف اخو زينب شرد

ها يملچ الموت لا تحسب بعد...صاح ابو فاضل اريد اكثر عدد

اخليكم عبيد .. اذا زينب تريد

اگلب الدنيه لأجلها... و اعلن اليوم انتقام

لن خليل الله ينادي... يا گمر هاشم سلام

صاح يا حيدرُ و زلزل كربله...چالبراءة و نازل ابلا بسمله

ناده هذا حسين من يوصل اله...زينب بجالي تضل مدلله

قسم بالعاديات .. اخليكم شتات

طفحت الغيره بوريده... و صار عالموت ازدحام

لن خليل الله ينادي... يا گمر هاشم سلام

صاح اريد الماي وينه اليعترض...گام يشطر سيفه بالطول و عرض

ماكو راحة اليوم راحتهم ركض...و الله مدري اشلون شايلته الارض

و حگ سكنه و رباب .. اگص كل الرگاب

انه اخو زينب تعالوا... سيفه مثل الموت حام

لن خليل الله ينادي... يا گمر هاشم سلام

والله لو واحد وصل زينب تره...حالف اگلب هالسمه تحت الثره

اليوم اراويكم مراجل حيدره...صاحت الحره يسبع الگنطره

يا وفاي الوعود .. تعال ابلايه جود

خويه و الله الخوف اجاني... و صارت الدنيا ظلام

لن خليل الله ينادي... يا گمر هاشم سلام

ناده يا زينب اسمعي هالخبر...لو اجيب الماي لو اظل عالنهر

صاح ابشري واحد بواحد شمر...نادته زينب يا عباس الحذر

اذا توگع جتيل .. اظل ابلا كفيل

تبگه اختك لا عشيرة ...و لا اخوها و لا عمام

لن خليل الله ينادي... يا گمر هاشم سلام

خويه بيدك طلعتني من هلي...من سألتك منهو يحرس محملي

انت دگيت الصدر خويه الي...گتلي انتي برگبتي و ادللي

خذت روحي و مشيت .. و انادي و لا اجيت

ارجع ارجع خل اشمك... و شكثر عندي كلام

لن خليل الله ينادي... يا گمر هاشم سلام