و الله ما ننساك يا محبوبنه...يا حبيب الله و حبيب إقلوبنه

إبعيد ميلادك إجينه...و النجم يشهد علينه

يا حبيب الله و حبيب إقلوبنه

مغرم إبحبك صرت يا أغله محبوب...و إلك بحروف العشق خطيت مكتوب

و الله لو حبك ذنب من حبي ما توب...سيدي و بيك أعتقد غفران الذنوب

حبك الطاهر سره بشرياني...و آنا أحبك ما أحبن ثاني

إي و حق حيدر علينه...و النجم يشهد علينه

يا حبيب الله و حبيب إقلوبنه

حبك الطاهر سره إبدمي و ضميري...و إنت ديني و مهجتي و حيدر أميري

أول إبحبك صرت أعلن مصيري...بالعشق يا هو الذي ينفرد غيري

هايم إبحبك و تشهد ناسي ...يسري من جدمي العشق حد راسي

ليك و قلبي إعتنينه...و النجم يشهد علينه

يا حبيب الله و حبيب إقلوبنه

غيرك إشيهوه المحب و يعاشر إشلون...صورتك صارت كحل في رمش العيون

ساكن إبهذا القلب رغم اليعذلون...هايم إبحبك صرت و شما يلومون

هذا إسمك منطبع بشفافي...شيعي و إقبالك تتيه أوصافي

آنا و أوصافي إعتنينه...و النجم يشهد علينه

يا حبيب الله و حبيب إقلوبنه