يسكت العالم بأسره و نستمع صوت الحسين

آنا أنظر عله أصحابي من هووا مثل النجوم

روحي شبه الطير فرت إبمصرع الأكبر تحوم

و الذبح جاسم ذبحني و إنذبح حلم الشباب

من عطش قلبي أشاهد النهر يجري تراب

عالنهر طاحن إعيوني يم أبو الغيره إنحنيت

هاي يكافل خدر زينب تترك حسين و مشيت

إشقد صعب توديع زينب أسرع و تركض وراي

و الطفل مد إيده يشرب يعتقد دم نحره ماي

ما أريد أشبك رقيه أدري تشبكني و تموت

ها يسكنه إيطول ونج ونت الخدر سكوت

دمعة الأطفال كلمه كلمه وحده لا تروح

و العليل إبعينه نظره نظره أكبر من جروح

صابني سهم المثلث و الجبد نصين صار

من خرز ظهري سحبته و إنطفه إبعيني النهار

من طحت من المطهم عيني ظلت عالخيام

و المهر يحمل جراحي يحمل الزينب سلام

الشمر لمن رفسني إلتوه جسمي النحيل

و إثنعش طبره طبرني و ظلت إدمايه تسيل

من تربع فوق صدري صحت يا عباس وين

و أسمع الزهره تنادي واحسيناً واحسين

ظل يحز نحري إعله كيفه يقهر إبزينب يريد

من نهض و الراس بيده صاحت إنهض يالعضيد

عالأرض جسمي توزع صار ملعب للخيول

و إنقطع من جفي خنصر ظلت إتدوره البتول

نادوا يا شيعه سلاماً و إذكروا الشيب الخضيب

و الشفاه الذابلات و نوحوا عالجسم السليب