رد عليه رد عليه...بويه هاي آنه الزجيه

يا هو اليسكن عبرتي...بعدك و يمسح دمعتي

بويه حاجيني يبويه زهرتك آنا الحبيبه

لا تخلي إدموعي تجري من دمه إعله الخد سجيبه

لا تغرب عن عيوني ما لي حيل إلها المصيبه

لا تخليني إبوحشتي إمدوهنه و جني غريبه

يا بليه يا بليه...بعدك أبقه اليا بليه

لا تحيرني إبزماني...بعدك إشقد راح أعاني

يا قمر روحي و دليلي و بسمة إعيوني تلالي

والدي إويا تاج راسي و يا لهفتي و كل دلالي

يا أعز الناس إنت بويه حاجيني يغالي

لا تيتمني إبشبابي إمنين ليل الشوم إجا لي

إبيا رزيه إبيا إبيرزيه...راح أظل إبيا رزيه

يا دلالي و يا عزتي...إقعد و إسمع صرختي

يا من إفديتك حياتي يا أبو النفس الكريمه

إشلون ترضاها يبويه أبقه من بعدك يتيمه

بلوة إمصابك دهتني عالقلب و الله عظيمه

بويه و بقلبي المصيبه موجعه و كلش أليمه

حسره بيه حسره بيه...لش وكت هالحسره بيه

دهري بمصابك ولاني...إبيا رزيه و هم بلاني

إنت كلشي إبعمري إنت إنت سجداتي و صلاتي

إنت بويه إحجاب راسي و شيلتي و ستري و عباتي

عني لو ترحل يبويه شلي جا بعدي إبحياتي

لو رحت من بين إيديه يحله من بعدك مماتي

و المنيه و المنيه ...بعدك أتمنه المنيه

إنت بيتي و عمد بيتي...بعدك أتمنه منيتي

ليلة إوداعك يبويه ليلة إهموم و مخيفه

يالعفتني إبضيم همي ويه ناس المو عفيفه

ناس ما عندهم عقيده إدينك و لا هي شريفه

بعده جفنك ما غمضته و لنهم إبذيج السقيفه

و الوصيه و الوصيه...بويه خانوها الوصيه

بويه يالعطفك غمرهم ...تالي جازوك إبغدرهم