لفت زينب و الدموع إتسيلها إتصيح وينك يبن حامي إدخيلها

زينب إخت الحسن مهجة فاطمه إجت تجري إعيونها دمع و دمه

الدار أبو محمد حليف الغانمه و إعله باب الدار ضج إعويلها

عنها إبعد صاح يحسين الطشت لا تشاهد جبدتي بيه الإخت

خويه بشراك الأجل جني طحت جبدتي إسموم العده تفصيلها

خل تشاهد جبدتك خلها تون باجر إتشاهد جبدتي تنطعن

إتشوف راسي بالطشت أم الحزن و العده إعله الخيم تهجم خيلها

لاجن إبيا حاله زينب شافته إعله الطشت منحني و يقذف جبدته

إبدمع جاري و قلب يلهب نادته يالحسن إختك تهدم حيلها

إتنادي يبن أمي و يبعد إرويحتي إمجان جبدك ريت قطعوا جبدتي

إشلون روحي إتعيش من بعد إخوتي و الهموم إتكاثرت شيزيلها

أمس آنا ودعت سيد الوره فاطمه أمي الزجيه الطاهره

و من بعدها إنصاب قلبي إبحيدره قبل روحك ريت روحي إرحيلها

شلي إبروحي عقب روحك يالحسن مثل جبدك جبدي بالسم إنطعن

وشيضم لي بعد ما أدري الزمن و الأيام الحزمتني إبويلها