ليش ما ينصح إويانه الزمن...ما ينبني قبر الحسن ليش

قبرك يظل إبيا ذنب مهدوم يبني...قبرك يا يمه يا وكت و إتشوفه مبني

قبرك يزوره و ما يتركه اللي يحبني...قبرك نفس جف الهدم قبرك ضربني

ليش ما تطفه نيران الفتن...ما ينبني قبر الحسن ليش

يبني أزورك للبقيع و أبجي يمك...يبني و أقلك ما تجيني الصدري أضمك

يبني تظل اليا وكت تتعذب أمك...يبني اصيح حسين و مره بإسمك

ليش و بيا صبر قلبي إمتحن...ما ينبني قبر الحسن ليش

يمه قبل جبدك تقطع كون جبدي...يمه بجيت و دمعتي لسه إعله خدي

يمه يغالي و جم ولد يا يمه عندي...يمه شسولف يا حزن و من إنين أبدي

ليش إبلحدي و إعيوني بجت ...ما ينبني قبر الحسن ليش

نعشك يا يمه بالسهام إعداك يرموه...نعشك بقيت أنحر إبجفي و جفي صابوه

نعشك إذا يوصل قبر جدك يمنعوه...نعشك يا يمه للبقيع اليوم جابوه

ليش مو يم قبر جده إندفن...ما ينبني قبر الحسن ليش

أنحب و أنوح إعليك يبني و هذا حالي...أنحب لحد ما ينبني قبرك يغالي

أنحب يا يمه و مو سهل هذا الجرالي...أنحب البقيع و كربله دوم إعله بالي

ليش من البجي إعيوني عمن...ما ينبني قبر الحسن ليش

يمته يجينه الغايب و بيده فقاره...يمته أبو الثار إشبعد ظل إعله ثاره

يمته يشيد هالقبر و أنظر مزاره...يمته و أشاهد بالبقيع إشكم مناره

ليش حته الحجر ون و حزن...ما ينبني قبر الحسن ليش