الحسن سبط المصطفه الهادي البشير ما يوقع صلح لو عنده نصير

و جان يدري بالذي يجره و يصير هاي ناس إعله الخيانه إمعلمه

الحسن شبل المرتضه عقد الوله ما يخاف إمن السيوف إتقابله

لاجن الوادم صفت متخاذله و تدري بالسلطه اللي تحكم ظالمه

ابن أبو سفيان يوم اللي خطب لا صلاه لا صوم من عدهم طلب

إيريد يتسلط إعليهم و العجب ما قدر واحد إيقوم إيكلمه

ناس موته و راد يحييها الحسن و راد عزتها بأقل و أرخص ثمن

باعت إبحب الأنا جنة عدن و أصبحت بعد الغدر متندمه

و بعد هذا الندم رجعت من جديد و مثلما طاعت أبوه طاعة يزيد

ما تصير أحرار طينتهم عبيد حسين من ناداها ما جن تفهمه