نسأل هالأمه إنشاهدها نسأل هالأمه إنشاهدها

نوقف نسأل هاي الأمه عن معنه الشيمه و الذمه

و شمعنه لو أنطت جلمه خلها إتجاوب تحجي إشعدها

وشعدها من رد إتقوله تبقه محتاره و مذهوله

باجر بالمحشر مسؤوله يا جلمه للباري إتردها

باجر توقف أهل الكوفه بالمحشر و العدل إتشوفه

و كلمن منها إبذعره و خوفه و إتدور منهو إيساعدها

أقبل مسلم قلتوا إبدارك هالكوفه و إحنه خطارك

يا مسلم كل إحنه أنصارك وياك البيعه نعقدها

قلتوا له ننطيك البيعه يا مسلم إحنه لك شيعه

و لجلك هذا العمر إنبيعه و عدوانك لجلك نحصدها

ضد مسلم حشدتوا المجمع قلتوا له يا مسلم إخضع

ناده ما أخضع ما أركع يا قوم الغدرت سيدها