حقها غالب لو تعيف إديارها و تقصد الكوفان تاخذ ثارها
حقها هاشم لو عله الكوفه تميل تاخذ إبثار الذي أضحه جتيل
تاخذ إبثارات مسلم بن عقيل و تجدح إبطف الحرايب نارها
حقها هاشم لو عله الكوفه تغير تاخذ إبثار الذي جان السفير
لبو اليمه و صار بالكوفه أسير يوم بالكوفه إغدرت خطارها
الكوفه بأنواع الغدر معروفه بالخديعه و الحيل موصوفه
لو هي خانت مسلم أهل الكوفه من قبل خانت علي كرارها
إبمسلم الكوفه ألف حيف إغدرت بيه خانت و الكتبها إتنكرت
عافته وحده و عليه إتشمرت و حجي الليل إتخالفه بنهارها
حالها الكوفه يحير كل وصف أنطت المسلم مواثيق و حلف
و بصلاته إصطفت إثنعشر ألف بس جدب جان الغدر أذكارها
مسلم أفرغ من صلاته و إلتفت شاف صحبه بس ثلاثين الصفت
و من طلع من مسجده كلها إختفت عافته وحده غريب إبدارها
و بسكك كوفان ظل مسلم يطوف حاير و لنها إجت صوبه الألوف
إجيوش و إتلوح عليه سمر السيوف يجدم الخياله موج إغبارها
و من عظيم الجيش مسلم ما جفل حملة الكرار عالعسكر حمل
و ذكر الكوفه إبفعل يوم الجمل و صار بيمينه إيخطف أعمارها
ليث مسلم يملك إفنون الحرب ما رهب هالجيش ظل ثابت قلب
و الزلم من شافته إمراسه صعب صارت الغدره تدير أفكارها
و إعله مسلم دارت بأربع جهات قوم برماح و بعض بالمرهفات
و ناس بسهام إعله مسلم راميات و بالحجاره ترمي حته إصغارها
دارت إعليه العساكر حاطته و الضمه نار و توج إرويحته
ثقل همه و ضعضع الحر همته و صار يتلقه ضرب أشفارها
هجمت إعليه الجيوش الغادره و بالغدر مسلم وقع فوق الثره
طاح و إعله الغبره دمه من جره هلت إجفون الشرع أعبارهاحقها غالب لو تعيف إديارها
ديوان السادة
25
سطرًا