آخر الأخبار

ديوان السادة

طعم المنايه إوياك بيه السلامه

38 سطرًا

طعم المنايه إوياك ...بيه السلامه

إسمك حرز يحسين ...يوم القيامه

ملاذ المذنب إبحبك ...صراط المغفره إبدربك

قبلما شوف دنيه و قبل ميلادي

و لاءك فرض نفسه و حقق إمرادي

توارثته إبفرح من طيبة أجدادي

يشاركني المحبه إبشربي و بزادي

يكمره و سكنت إبداري ...حبيبي و ملهم أفكاري

حبك قطع كل إلسان ...صوت الملامه

إسمك حرز يحسين ...يوم القيامه

منار إسمك دليلي و حيرة أهدافي

حروفه السلبيل إتمر عله إشفافي

يلمني من الضياع و يجمع أطرافي

اسم ما يوم مليته و قلت كافي

اسم بالعز ضوت شمسه ...ملائكة السمه إتحرسه

يا بخت كلمن صار إسمك وسامه

إسمك حرز يحسين ...يوم القيامه

جزه حد الفخر يا شهم معراجك

ركع تاج الكواكب و إنحنه التاجك

و منهاج الرسول إلتقه إبمنهاجك

روّت أرض المكارم من دمه أوداجك

لمن سيف البغي إغتالك ...فتح جنحه الوحي و شالك

خالد يظل ما مات عنك كلامه

إسمك حرز يحسين ...يوم القيامه

نشف صبره الفرات و طلع من ثوبه

لمن حس بالمنيه إتحيط بدروبه

عله أمواجه الكئيبه إمحمل إذنوبه

سجد سجده إبضريحك و أعلن التوبه

النهر ما حن عله إعيالك...إيريد المغفره إبجالك

يهمل عله الجرفين دمع الندامه

إسمك حرز يحسين ...يوم القيامه

مبادئ ثورتك من كونت طفك

نزل نجم الشفاعه و قاتل إبصفك

إجت كل البساله و رافقت جفك

أخذ وصفت علاجه الدين من نزفك

لمن لاح العطش دينك...سقيته الماي بيمينك

رفضك سند هالدين رد له إحترامه

إسمك حرز يحسين ...يوم القيامه

شارك هذا المحتوى
5٬475مشاهدة