إنت تاريخ المجد بيك إبتده يا حسين...يا حسين و هالشعار إنردده يا حسين

واوحسيناه واحسيناه

يا إمامَ الحقِ أقسمنا اليمين ...في خُطى دربكَ نبقى سائرين

لا نساوم لا نُهادن لا نلين...و ينتصر دمنه عله إسيوف العده

يا سبط طه و ابن سيد البشر...قطره مجد العالم و مجدك بحر

و بمحيطك سيدي إيطيب السفر...إشلون جودك يا حسين إنعدده

يا حسين إبكربله نورك سطع...سيدي لولاك دين الله إنصدع

و دين طه إبدمك اليوم إرتفع...من رميته للسمه إبجف الفده

يا جبل إيمان يالسفحك سمه ...تحت ظله الغيم يمطر مرحمه

مو عجيبه و إنت أمك فاطمه ...رحمة الباري إبكيانك جسّده

سر خلودك يا وريث الأنبياء ...دمك اللي سال عنوانه الفداء

كعبه بإسمك أصبحت كل كربلاء...صومعه إبكل العواصف صامده

إنت أفقك يا حسين إبلا حدود ...باقي يا مولاي من بعد الخلود

نهضتك ثبتت كل هذا الوجود ...يخسر البلدنيه قصدك حدده

إنت صرخة رفض معلومه إشتريد ...من قلت للدين مرخوص الوريد

صحت لا والله ما بايع يزيد ...خلها تاخذني السيوف إمجرده

راسك الفوق الرمح ظل مرتفع...إرتفع بيه نهج الرساله و الشرع

بيعتك يحسين روجات الدمع...صرخة الهيهات تبقه خالده