يا زهراء... أقسم عليج إبدمعتي

يا زهراء ...راويني قيمة خدمتي

يا زهراء ...يا زهراء

إلك يحسين واهب حياتي

ينور العين بيدك نجاتي

آنه الذخرت سيدي ساعة مماتي

و إنت التحقق بالحشر كل أمنياتي

أمنية دلالي الفاطمه إتوديني

أرد أقلهم إبمحشري ويه الخدم خليني

يا زهراء... أقسم عليج إبدمعتي

يا زهراء ...راويني قيمة خدمتي...يا زهراء

أنا الناديت آه يالزجيه

أنا الونيت صبح و مسيه

آنا و كل هلي و كل الخدم و أهل الحميه

فدوه نروح الدمعه من دمعة رقيه

لو اقضي إسنيني و أدري دمعة عيني

ما يكفيني العمر فد عمر ما يكفيني

يا زهراء...عاشت رقيه إبغيرتي

يا زهراء... راويني قيمة خدمتي...يا زهراء

أنا المنذور إلكم يذخري

إبحزن عاشور أقضي عمري

يوم القيامه باللطم يشهد لي صدري

و ضرب السلاسل جم أثر خلّف إبظري

طبرتي إعله الهامه باجر أفخر بيها

من شلتها القامتي إحسبت الحساب إعليها

يا زهراء... واسيتك إبدم هامتي...يا زهراء

يا زهراء ...راويني قيمة خدمتي...يا زهراء

أنا الملجوم و بصدري ناري

عشت مهموم ليلي و نهاري

كل فكري يمج ياللي ثارج هو ثاري

الحد يمته اصبر و أنتظر طال إصطباري

آنه من هالساعه خاطبتها الروحي

للإمام المنتظر يا روحي فدوه روحي

يا زهراء...آنا إذخرت له نصرتي...يا زهراء

يا زهراء ...راويني قيمة خدمتي...يا زهراء

إبدمع تانيت صاحب زماني

أون ظليت و أنحب و أتاني

جمرة مغيبه إبمهجتي و فقده عماني

غايب إمامي و شيعته مثلي تعاني

راية السفياني حاصرتها الزينب

قوم يبن العسكري فزت رقيه تنحب

يا زهراء ...هالطفله خنقت عبرتي...يا زهراء

يا زهراء ...راويني قيمة خدمتي...يا زهراء