هذا الحنين ...فاطمه يا فاطمه

لبنج حسين ...فاطمه يا فاطمه

فاطمه يا حجة الله اعله البشر و اعله الحجج

فاطمه أم أبيها و إنت للشده فرج

سر عظيم و شرف سامي لو بذلنا لج مهج

الروح ترخص لجل حبج حبج إبدمنه إندمج

هذا الحنين ...فاطمه يا فاطمه

لبنج حسين ...فاطمه يا فاطمه

فاطمه اسم الجلاله إتجسد إبيوم الطفوف

إبصوت هادر أبو اليمه صاح قدام الإلوف

إيصيح من دمي إشربي لو عطشتي يا سيوف

إبدمي إتبدين جدي ما أهابج يا صفوف

ريتج تجين ...فاطمه يا فاطمه

لبنج حسين ...فاطمه يا فاطمه

من دماء الطف أخذنه إدروس و أنباء الأمم

ما نعوفج صرنه شعلة نور مزروعه إبقمم

إبوجه كل اللي يضدكم إنثور بركان و حمم

و اليضدكم ما نريده دوله باعوها الذمم

رغم الأنين ...فاطمه يا فاطمه

لبنج حسين ...فاطمه يا فاطمه

فاطمه يا نور يسطع عالبشر و إعله الوجود

يا قبس نور الله حبكم بيه ناموس الخلود

إنتي سر اسم الله الأعظم سر محبتج بالصمود

نبقه نصمد نبقه نبجي نبقه ننحب نبقه نزحف

نبقه نطبر نبقه نلطم عالصدر و إعله الخدود

طول السنين ...فاطمه يا فاطمه

لبنج حسين ...فاطمه يا فاطمه