أحلفك بالإبو حيدر...لتبخل حته بالمنحر

معقوده بيك الآمال...عباس يبني إبكل حال

بت فاطمه بعيونك إتخليها

معقوده بيك الآمال...عباس يبني إبكل حال

مهما حصل إيدك تظل بيديها

أنا أمك يبعد أمك يرفعة راسي يا ذخري

عشت عمري لجل هاليوم يومك يسوه كل عمري

يسالوفة سهر ليلي يا ناتج كل ألم صبري

أسولف لك يبو فاضل سوالف ظلت إبصدري

علي حيدر إجه الأمك إجاني ليش ما أدري

طلب مني شهم مثله والأجلك رفع قدري

أوصيك إو ابن حيدر أعرفك...خذر زينب يشرفني و يشرفك

يبو فاضل يكافلها...تزيح إهموها كلها

الهاي الإخت يا عباس...تحجبها عن عين الناس

أرتاح ما دام إنت لتراعيها

يبو فاضل أسولفلك سوالف تستحق عبره

إلي يصب العلي صب الدمع لثنين إلي و الفاطمه الزهره

إلي صبهن لجل ولدي و إعيونه أصبحت حمره

و دمعته الثانيه صبها الأم المنقطع نحره

دمع حيدر على أولادي خلف بالقلب جمره

نحت و صحت واويلاه الله إيساعد الزهره

يعينج الله يالزهره الحزينه ...أبو اليمه طلع من المدينه

أبو فاضل صفه الحادي...و خدم لحسين أولادي

طلعت عباس إوياه...طول الدرب يتفداه

و أمنت عنده بت علي إيحاميها

حملتك يالإبن تسعه و أنا ابهالتسعه أتعذب

الجنين إبطبعه يوليدي إبرحم الوالده يلعب

شعرتك إنت ما مرتاح ما مرتاح تتقلب

و مستعجل تريد إتنام يوليدي إبحضن زينب

إجيت الدنيه و إعيونك حمره إمن الزعل تلهب

خدك مني علي إبلهفه و سالت كل دموع الأب

علي لجفوفك إبجفه وضعها...نحب و الشهقه من قلبه شلعها

و جعل جف زينب إبجفك...يريد بإختك ايكلفك

أشّر إشاره الكرار...لتخلي زينب تحتار

و زينب أمانه بإيدك امأمنيها

طلع ضعن الحبيب حسين و قلبي فارق أحبابه

إنتهت كل فرحتي إبدنياي صدق دنياي جذابه

إشبقى لي من الأمل يبني و زماني كشر أنيابه

على حسين و إخت عباس صفت دمعاتي سجابه

سهم طف كربله إبقسوه القلبي المنفجع صابه

و خله أم البنين إتصيح آه يحسين و إمصابه