إخذ البنين الأربعه...يا من رحيلك فاجعه

جعفر و عبدالله و بعد عون إشوصفلك عون

عون و إخوته بالشدد تلقاهم أنصار و عون

أولادي معدنهم وفه أولادي ما يتوصفون

الأمرك بنيني طايعه...يا من رحيلك فاجعه

سيدهم إنت و هالخدم يوفون يوم الشده

عباس إذا يمك وقف حدك أماني و حده

عباس من طبعه الكرم ينطي إشما تملك يده

هالخصله منك نابعه...يا من رحيلك فاجعه

عباس ينطي اشما ملك باجر لخوك إتشوفه

جوده إشيخلصه لو خلص عباس ينطي إجفوفه

باجر تشوفه إعله النهر عينه إبسهم مكفوفه

و يصعب عليك إترجعه...يا من رحيلك فاجعه

عباس غالي و لا تظن هالغالي ما يرخصلك

عباس و أمه و إخوته يرحون فدوه الطفلك

إحنه إنخلقنه النصرتك إحنه إنخلقنه الأجلك

عيني إعله فقدك دامعه ...يا من رحيلك فاجعه

يم البنين الما شفت أم التضحي مثلج

إلساني لى شكرج عجز إلساني إشيريد إيكلمج

عباس صوب مهجتي خلاني أنحب قبلج

آنه الصحت عالمشرعه...يا من رحيلك فاجعه