كل يوم أسلم عالنحر... و إعله الدماء الجاريه

و إدموعي تهمي إمن النظر ... تنزل عله الخد حاميه

من أذكر إبطف كربله... إجروح الحبيب الداميه

كل يوم أسلم عالحبيب الغالي

ابن الزجيه العايش إبدلالي

دنيايه أبد من دونه ما تحلالي

حسين حسين حسين حسين

يبن الزجيه يا حسين

و أرجع و أسلم عالصدر... المتهشم إبطف كربله

و قلب العقيله المنكسر ... و أذكر دموع العايله

و اذكر الطفل المنذبح ...و إدمومه ظلت سايله

لمن أسلم تنكسر عبراتي

عبراتي تسجم بالقلب دمعاتي

دمعاتي تتحسس ألم آهاتي

حسين حسين حسين حسين

يبن الزجيه يا حسين

و أتوجه الصوب النهر ألقه الزجيه فاطمه

تمسح ضلعها إبرايته و إعله القمر متألمه

إتقبل يساره و يمنته و تشتم ابن حامي الحمه

و أم البنين إبلهفه صاحت يبني

يحسين يبني إمصابك الشيبني

يا ريت سيف الذابحك ذابحني

حسين حسين حسين حسين

يبن الزجيه يا حسين