يحسين إسمع صوت أنصارك...هادر و بإسمك يتبارك

رايتنه إيرفرف عاليها ...حسين

يا ثار الله إمطرز بيها... حسين

يا ناقوس الحق و أنغامه ...للمحشر يبقه الناقوس

إحنه و حبك تاج و هامه...يالحبك علمنه إدروس

بيك العاشق ترفه أحلامه...و الضدك عاش إبكابوس

يا قاموس البر ووسامه ...يا أطهر و أشرف قاموس

قلب العاشق بيك إتهنه... حسين

يا سلطان الحب و الجنه... حسين

نتمنه إنكمل مشوارك...يحسين إسمع صوت أنصارك

يحسين إحنه الحد المنحر ...نسمع بعض الناس إتقول

إحنه إنرددها و نتفاخر ...نحجيها ابلهجة مسؤول

لو نتقطع لو نتوذر... لجلك يا سبط المرسول

نبقه إنحبك ما نتغير... حب ثابت ما لحظه إيزول

نحلف و بغيرك ما نحلف ...حسين

لو شريان الأبهر ينزف... حسين

بالدم إحروفك تتشارك...يحسين إسمع صوت أنصارك

عابس من أصبح كجنونك ...ما ينلام أصبح مجنون

شاف أسرار إبوسط إعيونك ...ما شالتهن غير إعيون

سر ما يتفسر مكنونك... يا سر الله المكنون

صّول عاري و جاب إبكونك ...و إحنه إنذوب إبهذا الكون

هنياله العابس هنياله... حسين

نتمنه إحنه إنصير أمثاله... حسين

و إنموت إبحومة أسرارك...يحسين إسمع صوت أنصارك

عاذلنه إشما زاد إبحقده ...إشما يشهر سيفه المسنون

أنصارك و بهاي إنرده... حب حسين أصبح قانون

حب ما نقدر نوصف حده... و لا نقدر نوفي المضمون

سد بابك يالحاقد سده... إحنه أتباع الثائر جون

نحلف بجروحك و بهامك... حسين

نتشرف نخدم خدامك ...حسين

محضوض اليخدم زوارك...يحسين إسمع صوت أنصارك