وينك يا بويه ...عن الغريبه

مثل هاليوم الصار...تمتنع يا كرار...عن الغريبه

مو مصيبه الدهر دبها اعليها كورها مصايب

مو غريبه اللي تندبك لا يبو الحمله غرايب

لا إخيام و لا رجال الأهل نومه بالحرايب

جثث طشرها الزمان الجانت إبجمعت كواكب

و لني غريبه إبكربله...مو وحدي يا عقد الوله

خلت إشبولك عائله...إبولية الناس الأجانب

شذكر شسولف عن يا مصيبه

يا بويه آنه أنخاك...ما واحد الحاجاك...عن الغريبه

بويه شذكر لك إشبولك حاربت و إهيه إبضماها

يو أقلك جثث فوق القاع غسلها دماها

عين أبو فاضل الجانت أمس تحرسنه إبضواها

عنه هاي العين راحت و السهم بويه طفاها

و يمنته التحمل رايته...إويه الرايه طاحت يمنته

إقطعها عدوه إبغدرته...إبحربه ما واحد لواها

بدر الهواشم أصبح مغيبه

غاب البدر بدماه...و إنحجب بويه إضواه...عن الغريبه

راح ذاك اللي ذخرته للأخو وصيته بينه

راح ذاك اللي كفلنه راح حماي الضعينه

لو تقوم إتشوف ذاك السهم بيه إنطفت عينه

لو تقوم إتشوف يمنه إجفوف يسراه و يمينه

و تنظر يبويه هامته...و تنظر إجروح إبجثته

إمحامينه جان إبرايته...اليوم عن الخيم وينه

عقبه الخيمنه ما بقت هيبه

خيم وجوها إبنار...ما وصلت ليك أخبار...عن الغريبه

بويه عن يا حال أسولف بويه يا حال التنظره

يا هو من عدهم تشوفه عالثره مقطوع نحره

إبين طعنه إبين رميت سهم بين إبراسه طبره

حته عبدالله الرضيع الما بلغ ست اشهر إبعمره

الطفل قتلوه بالنبل...و جسروا على راس الطفل

من جسمه خلوه منفصل...و خلوا إبقلب أمه جمره

إتريد إبدمعها تطفي لهيبه

إبدمع تطفيه و نوح...جمرة تسعر متروح...عن الغريبه

بويه ما أقدر أعيف أطفال أخويه و رحت عنها

وين أدور للمصارع رحت و الروح بألمها

إلقيت جثه وذر يا كرار متخضبه إبدمها

شفت طفله عله الجثه يبو حسين و رحت يمها

يم جثة ابن أمي شفت ...هالطفله عالطفله طحت

يحسين شو عني رحت...و عفت هالطفله إبيتمها

هالطفله يمك إبدمك خضيبه

ناديت أخويه حسين ...يبن أمي رايك وين ...عن الغريبه

جبت هالطفله اليتيمه و ردت يم الحرم أرجع

و لن شبح صاير إقبالي و صوت من الشبح أسمع

لن شفت طفل الرضيع إبحضن أمه إتقله إرضع

هالطفل كل ظنها عدل...نادت إبمدمعها اليهل

در ثديي إرضع يا طفل

صارت إبيا حال زينب آه يا حال الغريبه