هيه و الله يبن أخوي...شمرتك شمرة أبوي

من أشوفك بالملاعب زاد عزمي...يالله خل إنشد عليهم يا عمي

القاع خل حدرك تموي...هيه و الله يبن أخوي

صاح يالله عمي عونك يبو الغيره حل نشد

زلم هاشم بالحريبه إنرده كلمن ما يرد

قلبوا الحومه إعله أهلها رتلوا هذا الورد

يا لثار الضلع صاحوا يا لثارات الجبد

ظلت الحومه تروي...هيه و الله يبن أخوي

هذا خو إسكينه الغضنفر طفح زوده

و صاح أبو فاضل الأكبر مثل عوده

و الزلم ظلت تلوي...هيه و الله يبن أخوي

قمر هاشم بالملاحم قام يرعد صارمه

قال كون أطلعها منكم ثار سطرة فاطمه

إشلون سواها بو فاضل قلب وجه الملحمه

و بضرب سيفه القيامه إهناك ظلت قائمه

منه ماي الشط يهوي...هيه و الله يبن أخوي

لن جره دم الأعادي إبزود خنياب...هّوس إبقبره الشفيه داحي الباب

دوسوا شاربهم يبوي...هيه و الله يبن أخوي

زلزلوا ركن القياده إتملكوا سوح الكفاح

قصوا إجعود المعاره و الشعر دورة رماح

و برنين السيف كبر صاح حي إعله الفلاح

و قام صله الطف أشوفه و سجد من خوفه السلاح

صاح من الدم وضوي...هيه و الله يبن أخوي

دخّن العباس بيهم كثر عزمه ...علي الأكبر شال إيده و حيَّ عمه

يا رفع راسي و عُلوي...هيه و الله يبن أخوي

صاحت الحره العقيله هله بيكم يخوتي

للثريه إرفعت راسي و بعد أكثر هامتي

من فعلكم يا ضياغكم حيل زدتوا هيبتي

يالله يخوتي النشامه إتعصبوا بعصابتي

خيلهم بالدم تفوي...هيه و الله يبن أخوي

خروا إصقور المنايه من سماهم ...فرَع حسين الشفيه و هد وراهم

صاح وين إيفر عدوي...هيه و الله يبن أخوي