معرس معتني القوم و هيه و الله يضرغام

صاحت كل الأشرار طلع للحومه جسام

لف الخطره عالراس و يشبه عمه عباس

لف الخطره لفها وسط ذرعانه الأشمل

هيبة داحي الباب ابعين إعداه تمثل

صليل الصيرم اليوم طب للحومه هلهل

ضيّق بيها الأنفاس يشبه عمه عباس

عروسه الحومه عريس جاسم و إلها مصقوف

و نثرت له الجدايل رماح و برق السيوف

و رقصت ذيج الخيول حوافر دقت إدفوف

و غنّه سيفه بالطاس و يشبه عمه عباس

و قالوا هذا عباس رد اعله الميادين

ناده بيهم الصوت عرف نفسه بالحين

آنه ابن الحسن صاح جاسم و ابن أخو حسين

إرتجفت منه الأرجاس و يشبه عمه عباس

سلطان المنايه بأرواح العده إيبيد

سيفه يآمر اهنا بيده إشما هوى الحيد

شنغار الحرايب ظل يتغير إيصيد

ذلل عز الأشواس و يشبه عمه عباس

و دب جيمه اعله جيمه راعي العز و ركها

حلها و طشر القوم ردها إردود و صكها

و إخشوم الجماجم تحت نعله و فركها

ظلت تصرخ الناس و يشبه عمه عباس

و صيوان القياده طب و جفه إدلال

راحوا خبروا إيزيد ما تتوصف الحال

جاسم هذا لو موت خله كل الأبطال

تحت أجدامه تنداس و يشبه عمه عباس