قرب وعده المنتظر...راح يوقف عالنهر

إيصيح يا عمي القمر

موعد الثار... و ثار الله الحسين

إتشوف عباس تدخن تربته ...إيقوم بالغيظ و يشلع قبته

يقصد بأول الخطوه الجربته ...إيصيح سكنه الماي ما ظن شربته

أرد أشوفه إوديعتي...أقلها حلت رجعتي

ويه المهدي طلعتي...تشعل النار... و ثار الله الحسين

هذا بو فاضل و ساعات الردم...من خزرته الكون لازم ينلثم

إهناك أبو صالح يصد إعله الزلم ...يعرض إعله إدروب قوم التنهزم

المهدي وي عمه القمر...يطلب إبثار النحر

زود حيدر و إنفجر...و بين الأشرار ...و ثار الله الحسين

الحتم نيشان إبزمان المهدوي...ينفجر بركان غيض العلوي

يقلب الدنيه إعله جور الأموي...يدوي بيها الكون ظل يدوي دوي

صوت عباس الأبي...هذا ذمه إبشاربي

و ثار خدر الزينبي...بنت الأطهار... و ثار الله الحسين

راح من السمه يصدر هالأمر...إبجبت و الطاغوت ينشق القبر

الله يطلب ثار ضلع المنكسر...تجدح إعيون أبو صالح من جمر

سقر قبضه إبصارمه ...إبثار سطرة فاطمه

و جتف حماي الحمه...علي الكرار... و ثار الله الحسين

طبرة الكرار وي جبد الحسن ...قلب الحسين اللي بالسهم إنطعن

آه الخدور اللي من بعده إنسبن ...راح إيرد البين و أفعال الزمن

المهدي خطاره اليطق...واقع إبفك الحلق

عرج أبو فاضل يدق...إيذل الأشرار... و ثار الله الحسين

المهدي و العباس ساعات الضرب...إتدخن الحومه و ملاعبها تقب

جن جهنم بالزلم تقلب قلب ...تحسب العالم قيامه مو حرب

إشلون لو صفوا سوه ...طب الطف نينوه

يرف عالشاطي اللوه...إيرد الأدوار... و ثار الله الحسين