زينب إتحشم وليها يالتحامي الثايه

هذا سيفك ...هذا رمحك ...و إنت راعي الرايه

راعي الحميه... عباس***بالغاضريه... عباس

ياللي بالشده عرفتك...بالحرب ساعة وقفتك ...شيل سيفك يا شهم

و إنت درع الهيبه درعك ...يا كفيلي و هذا طبعك ...خويه منك و النعم

هذا وصفك زين أعرفك ...من تحفك ما تخوفك ...عفيه يا موت الزلم

ليث الحريبه... عباس ***كبش الكتيبه ...عباس

و بيك يا عباس ظنت للخدر حمايه

هذا سيفك هذا درعك و إنت راعي الرايه

أدري يوم الكون عيدك ...لن مسار الحومه بيدك ...فرحتك يوم النزال

إتحوس الجناح إبقلبها ...اشما عله اليمنه تدبها ...تدب يمنه إعله الشمال

و إنت ريس حين تعبس...خصمك إيحس...بيك يدرس... درس بفنون القتال

ابساعة نزوله... عباس***درس البطوله ...عباس

و إنت ترباية علي و نعم هالتربايه

هذا سيفك هذا درعك و إنت راعي الرايه

بيك أشوفن عودي حيدر...من نبع عزمه التفجر...يا شبل ذاك الأسد

هذا سيفك نفس سيفه ...يقره بالآيه الشريفه ...قل هو الله أحد

و حين يلمع هالمشعشع...قوم تخضع...وين تطلع ...كلمن إبخوفه شرد

عالقوم نازل... عباس***مثل الزلازل...عباس

و صارت إليوث الوغه ابحلق الحريم إحجايه

هذا سيفك هذا درعك و إنت راعي الرايه

و أرد أذكرك يبو فاضل...يوم شديت المحامل ...و إجت نوبة محملي

ما إنت قلت لي يالوديعه ...ياللي تردينه أطيعه ...يختي قومي إتدللي

و قلت لي يختي...عله بختي...و إنتي صرتي...عله ذمتي...و بيج وصاني علي

و بعهدي اوفي... عباس***القطعت جفوفي... عباس

تدرين يختي بالهواشم للعهد وفايه

هذا سيفك هذا درعك و إنت راعي الرايه

و بعد ما حاجه أحشم ...و إنت أم لبنين أم ...و ادري من أم البنين

من قبل يوم الولاده ...يبو فاضل للشهاده...دخرتك لأجل الحسين

و بنذرها قوم سرها ...يا ذخرها و يا فخرها...يا إخو حسين الأمين

بالطف تريدك... عباس***تنصر عضيدك... عباس

يعني لحسين و لخيته جابتك و الغايه

هذا سيفك هذا درعك و إنت راعي الرايه