ابهذا العيد إتعنينه...إنهني النبي هادينه

مقبوله اليوم الأعمال...إنهني النبي دانيال

حيدر علي ابوجه الشمس كل العيون إتشوفه

الما شاهدت قرص الشمس طقها العمه و مكفوفه

نفس النبي و هو الوصي سيرة علي معروفه

من مكه تبدي سيرته حامي الحمه للكوفه

ويه النبي إتعرفونه ...جن موسه وي هارونه

أحمد يا هادي الأجيال...إنهني النبي دانيال

من بدر رفت رايته و ظلت ترف هالرايه

راية ولينه المرتضه و رايته إعله الحق آيه

من ينطي للباري عهد دمه العهد وفايه

ما حاد عن درب العدل و العدل عنده غايه

راية و علي واليها...ضد الظالم ندريها

كلمن ضدها إنذل و زال...تدري إبحيدر عنها إشقال

معروف ويه الحق علي و الحق تبع والينه

متعين من الله وصي واجب الطاعه إعلينه

قالوا عباده اللي نظر وجه الإمام إبعينه

من ينذكر إسمه علي عالمصطفه صلينه

يوم الغدير الهادي...حيدره بعدي إينادي

و إنعقدت بيه الآمال...إنهني النبي دانيال

يا هو المثل حيدر علي علمه و حكمته و صبره

حيدر أبو حسين و حسن كفو البتول الزهره

و عنده العقيله العالمه أم الأحزان الكبره

و المؤمن اليتبع علي و الضده واضح كفره

واجب علينه إنطيعه...حيدر إمام الشيعه

مذهب أتباعه الأبطال...إنهني النبي دانيال