عالكوثر و عالكوثر و عالكوثر ويه فاطمه نتلاگه يوم المحشر

إهجر أحزانك يا قلب و إنساها ليلة فرح يحله إلك ونساها

خير البريه من زلم ونساها إنولدت و دلال البشير إستبشر

بالفرح لفت قلبي روجه و سوره و إتشيد إبنصه الغرام و سوره

هالليله نزلت عالنبي يا سوره و بارينه هالليله نطاها الكوثر

المنان مِنّه إعله البشر مّن بيها امها منو يا هالخلق من بيها

غير الزجيه إگلوبنه من بيها لگلوبنه بس حبها هو السيطر

للمصطفه هالتهنئه ودينه و شكثر يمه نجتمع ودينه

صفق قلبنه للفرح ودينه كتبت إخطوط العشق عن الكوثر

إدروب العشق يالمحب طرها و سرها و الفاطمه إفرح يشيعي و سرها

سر الإله إنطوى إبمعدن سرها و هالسر بگه سر مختفي و متفسر

الحب فاطمه حبه و إكرمه و حيه و باغضها ابداً لا تصل يم حيه

إتشوفه بشر لاجن الباطن حيه بنياب مسمومه يلدغك إحدر