رافضيه الناصبه إتسمينه ما يهمنه و حيدره والينه

إحنه بحر من المراجل ما يجف إحنه صح قله لجن واحد بألف

إحنه للمحبوب نتعنه زحف نبقه نوفي للذي يوافينه

يبقه أبو طالب رغم أنف الحسد يبقه حيدر قل هو الله أحد

يبقه رايه و سيف للدين و عمد شيعته و يوم الحشر يحمينه

لا تقول أشرك ولك يالناصبي إشلون مشرك و اليشيعه أشرف نبي

هذا أول صوت ناده بمذهبي إحنه أول و إنعرف تالينه

هذا إنت إرباة حمالة حطب مو عجب قولك و لا فعلك عجب

ما تحب إبنه و كرهته الها السبب و إحنه حب مجنون من حبينه

هاك إخذ هاي العبر لو تعتقد يبقه أبو طالب مجد فوق المجد

عايش إويانه لجن وين اليضد ذاك صاحبكم أسألك وينه

مو جديده إعلينه حقدك من أمس و أدري من الماضي ما تاخذ درس

إنت جفك ما حجب ضي الشمس الما يشوف النور تعدم عينه

أحله كلمه إبصوتي بس كلمة علي ما تلوق الغيري بس لاقت إلي

قول عني إشما قلت يا عاذلي هذا حجيك مو جديد إعلينه