راسي عالي إبخدمتك... راسي عالي

إجيت إبنية الخادم إجيتك...يضامي و من بحر دمعي رويتك

كتاب الله عرفتك من قريتك...لأن بعيوني عايش ما نسيتك

شرفتني إمحبتك ...راسي عالي

يشوفوني ملك و أعرف يغارون...يحسدوني عله الخدمه و يلومون

و اجيلك و أشتكي من اليقولون...و إذا ترضى عليّ خلهم يزعلون

يا حسين إبشيمتك... راسي عالي

زغير آنه جنت و الدنيه ضدي...يبو الأكبر غريب و أمشي وحدي

إجيت الخدمتك لن كل شي عندي...يغار الما قدر يقرب لي حدي

بيدي رافع رايتك ... راسي عالي

خدمة و ما يهمني إشقالت الناس...أنا عندي الحسين و عندي عباس

صرت صوت الجرح يالعندك إحساس...ألف موته أموت و ما أطخ راس

لا أزال إبحضرتك ...راسي عالي

دمع زينب يظل عايش بيديه...أرسمه واقعه لأهل الحميه

صور تحمل مآسي الغاضريه ...رسمت إعله الهزل زينب سبيه

بالخيم من نادتك ... راسي عالي

صحيح اللي يخدمك ترفع إسمه...أمير إيصير و الوادم تخدمه

تبوس الناس حته إتراب جدمه...شمس و الما يشوف الشمس أعمه

بيدي رافع رايتك ... ...راسي عالي