جننتني إمحبتك ...جننتني

أحبه ابكل وجودي و خل يلومون...سكن قلبي و سكن عمري و العيون

أحبك يا حلم يمسهر الجفون...يا عابس يا معلم فن الجنون

و إقتدائي بثورتك... جننتني

شفاعه إزيارتك و الليله جينه...عهد للموت و الرايه بإيدينه

اليحبك بالدمه و ما وفه دينه ...أبد و الله ما لحظه نسينه

عذبتني إمصيبتك ...جننتني

من أزور حسين يتجدد ولائي...و يسمونه اليزورك كربلائي

على طول الدرب هذا ندائي...أظل يحسين في حبك فدائي

و النواظر شالتك ...جننتني

تعنينه و مشينه إنزور عباس...حسيناً واحسيناً نلطم الراس

عهد وياك يبقه الآخر أنفاس...يكعبه إبكربله و إتطوفك الناس

عله بيده رايتك ...جننتني

يصبر الله يمهدينه يغايب...عليك إيدور دولاب المصايب

عجيبه و ما حضرت ابهالنوايب...شفت زينب أسيره و بالخرايب

للمصايب ضمتك ...جننتني

وجوب إزيارته إبيوم إربعينه...نواسي زينب إبرد الضعينه

نحس تقصير بينه وما وفينه...و لون يرضون نمشي للمدينه

جننتني إمحبتك ...جننتني