يرسم ورده دمع إعيوني...لون الورده يشبه لوني...عاشق حيدر لتلوموني

أجمل ميلاد ميلادك يغالي...و آنه ابهاليوم سموني المغالي

ساكن بالروح و إتعيش إبيالي...غيرك ما أحب يالدوم إعله بالي

يا أول حب حبك حيدر...كلما أكبر حبك يكبر

آنه العاشق و يعرفوني...عاشق حيدر لتلوموني

هايم و الشوق ماخذني إعله جنحه ...ما شايف ليل يضوي مثل صبحه

قلبي المجروح بإسمك نسه جرحه ...وجينه إشموع يا فرحه إعله فرحه

عرش الظالم طاح هالليله ...ساعة مولد حامي إدخيله

يا ناس الحب صار إفنوني...عاشق حيدر لتلوموني

بيت المعبود مريم ما تدخله ...عالكل ممنوع بس حيدر يقبله

و الحايط ظل شاهد لليسأله...و القبله إتريد يولد بيها قبله

وسط الكعبه تولد كعبه...و الما يقنع خالف ربه

هذا الواقع لتكفروني...عاشق حيدر لتلوموني

شرف للبيت صارت هالولاده ...عمود الدين و أركان السياده

يا أول سيف يا أول قياده...يا ثالث نور يا ثالث شهاده

يجري إبدمي عشقي الأول...أشعل شمعه بهذا المحفل

غير الرافض شيسموني...عاشق حيدر لتلوموني

يا أغله الناس و أغله من حياتي...عامود الدين يا صومي و صلاتي

آخر كلمه ألفظها بمماتي...خير الأعمال يالحبك نجاتي

و آنه بقلبي شايل رسمك ...نايم صاحي ألهج بإسمك

هايم بالحب لتصحوني...عاشق حيدر لتلوموني

طبع المحبوب يشتاق الحبيبه ...روحي بلياك حزنانه و غريبه

فاز الوالاك و الجنه نصيبه ...و الما والاك مو طاهر حليبه

هاي الليله ليلة عيدي...ورده الحيدر شايل بيدي

وين الحساد و يشوفوني...عاشق حيدر لتلوموني