إحنه الخدمتك يحسين هبينه هويناها و بعد بيها تفانينه

يا من خدمتك أكبر شرف إلنه إذا تعطف علينه و خدم تقبلنه

نريد إبدفترك بيدك تسجلنه عليك الزهره سجل كل أسامينه

قلم حبك نريد إبدفترك يكتب يسجل كل عزه كل هيئه كل موكب

لأسماء الخدم يكتبها و يرتب كلمن منصبه و شيكون تعيينه

يا أغله حبيب الهاي أحبابك يا من رحمة الله الواسعه بابك

سجل كل محب يلطم على إمصابك لأن هذا إعله صدره لطمت إيمينه

سجل من يجيك الكربلاء إيسير قبل جسمه دليله منه ليك إيطير

سجل كل حسيني يعشق التطبير يطبر هامته و تدمع إلك عينه

سجل كل محب يرفع إلك رايه يظل إينوح لجلك لو شرب مايه

ويه أحبابك التلفيك مشايه يا روح الزجيه و إعطف إعلينه

سجل من يقف يستقبل الزوار يحيها و دموعه المصرعه مدرار

إذا لجلك نضحي و نرخص الأعمار منوافيك نقسم لك يوالينه

يا من خدمتك بيها نشيل الراس عليها اليوم تحسدنه جميع الناس

نمشي إعليك إخوك الطيب العباس نريدك بالقبر مره تمر بينه

إذا إنت القبرنه توصل و تحضر يبطل ما يحاسبنه بعد منكر

و إذا إنت الشفيع إهناك بالمحشر إذا رحنه الجهنم ما تجوينه