ما أسعد أيامي لو يمك أقضيها .. من تكثر آلامي قربك يداويها

وفاي أظل خادم .. .. قادم إلك قادم

أنشودة العشاق ليك آنا اهديها .. ما أسعد أيامي لو يمك أقضيها

أسلم و انت تسمعني .. يا من ذكراك ينفعني .. بالدارين

هواك الشوق ولعني .. أحب وياك يجمعني .. في كل حين

هوى الهجران لوعني .. احس منه تقطعني .. ألف سجين

محال الدنيا تخدعني .. و لا عنك ترجعني .. يا سر الدين

ع العهد باقي وياك .. ما أريد عمري بلياك .. آنا و دليلي بهواك ..متمسكين

بيك القلب هايم .. قادم إلك قادم

مشاعر من قلب صادق .. بمعاني محبتك ناطق .. عن إيمان

دليلي وياك متعانق .. أبد يا حسين ما يوافق .. عل الهجران

دعيت الباري الخالق .. يخليني إلك عاشق .. عشق وجدان

أنا ال ركبك صرت لاحق .. هواي وياك متطابق .. هوى الخلان

خصمك فلا هادنته .. بمحبتك هاجمته .. صوتك فكر وصلته .. لكل إنسان

همزة وصل لازم .. قادم إلك قادم

قسم يا حسين يومية .. الك تجذبني حنية .. يا مولاي

يا من حبك كبر بيه .. ترنمت بمعانيه .. سرى باعضاي

الك انوار قدسية .. وهج حبك صبح ضيه .. كحل عيناي

أناشيد الولائية .. جبتها بروح ثورية ..رغم اعداي

معناك همت بمعناك .. و شلون يا حسين أنساك .. سلوتي أصبحت ذكراك .. يا رجواي

بالحب قسم قاسم .. .. قادم إلك قادم

ميثاق الوفا كتبته .. أبد يا حسين ما خنته .. واليتك

نشيد الشوق لحنته ..هدية ليك قدمته .. و حبيتك

الك جمهور عودته .. عذب ذكراك سمعته .. وافيتك

هدف حبك شرف نلته ..جواز الطاهر حملته .. بحنيتك

حبك دواي الموصوف .. يا معنى كل المعروف .. قلبي ال وصالك ملهوف .. ناديتك

نهجي نهج سالم .. .. قادم إلك قادم

لو أن عن حالي تسألني .. حنيني ليك ذاهلني .. هذا الحال

يا من بالحب تبادلني .. هواك سنين شاغلني .. سكنت البال

يا بو السجاد اقبلني .. مع الخدام سجلني .. سهرت ليال

دمع أشواقي بللني .. الك حبه تغازلني .. غيابي طال

حبيتك بلا تحديد .. شوقي إلك دوم يزيد .. لأجلك عشقت التغريد .. و الموال

لوحة عشق راسم .. .. قادم إلك قادم