ننخاج يم الوفه بحماج يم الوفه

يم إبنها إنروح ننظر جبدته يم عليل حسين نذكر لوعته

و جعفر الصادق و أبوه و إمصيبته و نمشي لأم عباس و إنحييها

قول يا أم عباس وفيت العهد من نروح الكربله إنشوف الأسد

آه يسهم العين و إمصاب العمد و قصة إجفوفه النهر يرويها

من نزور حسين و إنزور القمر ونج إنسمعه يفت حته الصخر

ويه دمعج سالت إدموع النظر و صار تحت إقبورهم يجريها

صار نهر العلقمي تحت القبر يجري تحت إقبورهم يطلب عذر

يشفي كل معلول و يشافي الصدر معجزه و كل العلل يشفيها