حنين الولده إتعوض مكانه ...بنيني يا علي عندك أمانه

وداع الموت اودعكم...تشيعني مدامعكم...بنيني يا علي عندك أمانه

أوصيك إبحسن و حسين يا حيدر...يبو الحمله و تسكن يا جرح تقدر

تجيك أم المصايب من بعد تعثر...تشوفك منهضم و إنت أسد خيبر

أوصيك إبخدر هاي الغريبه...بعد ليله تشوف أعظم مصيبه

لون هاجت مواجعكم...تشيعني مدامعكم...بنيني يا علي عندك أمانه

هالليله الحسن من تسمع اونينه...أريدك يا علي تمسح دمع عينه

سمعته إيصيح عطف الوالده وينه ...ييمه إشلون تمشين و تخلينه

تشوف إعيونه ما ينشف دمعها...يودع فاطمه الكسروا ضلعها

صبح باجر يصدعكم ...تشيعني مدامعكم...بنيني يا علي عندك أمانه

هذا حسين أريد إبقلبك إتضمه ...يسر قلبي أشوفه لو جبل همه

لو شفته ينادي إبجلمة اليُمه ...صدق تصبح يحيدر دنيتك ظلمه

يناديني و تظل دارج خليه...و أريد إموادعج قبل المنيه

و أنا إبيا عين أطالعكم ...تشيعني مدامعكم...بنيني يا علي عندك أمانه

زينب يا هضم باجر يمر بيها...ورثها دمعة الزهره و بواجيها

أريدك كل مسيه تعطف إعليها...و أعرفك يا علي إبروحك تخليها

يتيمه و يا صبر يشبه صبرها...و مصيبة كربله إتحير فكرها

حزن دهري يضيعكم ...تشيعني مدامعكم...بنيني يا علي عندك أمانه

قربت ساعتي و قاموا يودعوني...و شفت كسر الخواطر من ينادونيد

أوصيك و دمعتي إبطارف إعيوني...و لطيوف الهجر لمن يسلموني

بنينك يا علي إبروحي أشتريهم ...ليالي الما تمر مرت عليهم

يمن تنخوني و أسمعكم...تشيعني مدامعكم...بنيني يا علي عندك أمانه

صحت يا با الحسن قلبي إنجسم نصين...عفته إينوح ما بين الحسن و حسين

كلك عاطفه و نخوه و أعرفك زين...أريدك يا علي إتضمهم إبنص العين

و أريدن زينب إتضمها إبدليلك...إذا من المصايب تشتكي لك

صحت للموت أطاوعكم ...تشيعني مدامعكم...بنيني يا علي عندك أمانه