يا بويه إخلافك ظلموني يا بويه إخلافك ظلموني

ريتك حاضر تنظر وضعي إبحسراتي و آلامي و دمعي

أحجي لك عن صدري و ضلعي يو عن جفني و جرح إمتوني

يا بويه و ما راعوا حالي و ما جانت هالغدره إببالي

آنه الما حد شاف إخيالي وصلوا حدي و ما راعوني

إلمن وصيت من الأمه شو جازوني إبغدر و هجمه

إقلوب وماتت منها الرحمه و بقسوه و جور إتعنوني

دفعوا يا بويه إبوحشيه و لا ذره من الإنسانيه

خلف الباب و حسو بيه و ما بين الحايط عصروني

ريتك بويه إتشاهد هضمي فوق الفرقه و حزني و همي

أنده بويه و محد يمي يا بويه إخلافك ظلموني

طاح إبرد الباب إجنيني و من السطره أحمرة عيني

يا فضه الصدرج ضميني صحت إبصوتي و ما رحموني

دمعة عيني ظلت تجري بالصاير حيدر ما يدري

جفني و متني و ضلعي و صدري و السطرات البين إعيوني

و بعد الهجمه و حالي و هضمه إلتفتوا للكرار إبنقمه

أخذوه من الدار إبهمه و يردون بأخذه يفجعوني