يفنيها يفنيها ...عدوانه يفنيها

لو يبقه يوم من الدهر ...إبسيفه الإمام المنتظر...عدوانه يفنيها

هذا حديث المصطفه بيه أخبر...تروي مصادر صادقه مو مصدر

قال الإمام المهدي ما يتأخر...لو يبقه يوم امن الدهر هم يظهر

يبديها يبديها... و ثورته يبديها

عن النبي هذا الخبر...إبسيفه الإمام المنتظر...عدوانه يفنيها

اسم النبي الهادي محمد إسمه...علم الوصي الكرار زاخر علمه

من فاطمه إمتدت الشخصه العصمه ...و صبر الحسن عنده و شجاعه و حمه

ترويها ترويها ...أخباره ترويها

نقلتها أصحاب السير...إبسيفه الإمام المنتظر...عدوانه يفنيها

و بجده الحسين إقتده و إصراره ...كلما يذكره مدمعه يتجاره

هو الذي يظهر ينادي إبشاره ...و يفني طواغيت الأرض بأحراره

يحميها يحميها ...شيعته يحميها

من شر طواغيت البشر...إبسيفه الإمام المنتظر...عدوانه يفنيها

من يظهر إيشيد مباني الإيمان ...و إعله الأرض ينشر احكام القرآن

مصلح إينادي إبكل حقوق الإنسان...يفني دول متجبره بالطغيان

ينهيها ينهيها ...هالدول ينهيها

لا ظلم يبقه و لا خطر...إبسيفه الإمام المنتظر...عدوانه يفنيها

أحكام الشريعه إبطلعته يحييها...و كل الشعوب الفكرتهع يدعيها

إيحرر فكرها و غايته إيوعيها...و رايات عدله إبدولته إيعليها

يمليها يمليها ...دنيانه يمليها

قسط و عدل علم و فكر...إبسيفه الإمام المنتظر...عدوانه يفنيها

المهدي غداً يشرق علينه ضيه ...و قلبه يفيض إعله البشر حنيه

بالكوفه يبني دوله إسلاميه ...و شرقيه ما تبقه و لا غربيه

يبنيها يبنيها... و دولته يبنيها

و العالم إيحكمه إبفخر...إبسيفه الإمام المنتظر...عدوانه يفنيها