أنا الزهره الزجيه الكل تعرفوني

عله إمصاب الجره يا شيعه عينوني

شسولف لك يا شيعي من هجم عالدار

إجه و بيده الحطب صاح ابهم الغدار

وقف بالباب صاح اليوم أشب النار

لو تطلع تبايع يا علي الكرار

و بصدري يشيعه نبّت المسمار

و بين الباب و الحايط يعصروني

بعد شحجي و شسولف من كسر هالباب

المحسن طاح يا شيعتي و صدري إنعاب

ذيب البر يشيعه إمكشر الأنياب

و قبل عمر المشيب الراس مني شاب

أنا الزهره الزجيه و من نسل أطياب

أصيحن و العده ما جن يسمعوني

صحت وينك يبو الحملات يا حيدر

ذكرهم إبيوم الخندق و خيبر

صاح اليوم أخلي الروس تتطشر

صحت له يا علي بعد الأشد و أكثر

ترضه الخاين إبيتك عليّ يجسر

و إقبالك يبو الحسنين ضربوني

سمع صوت أنتخي و حيدر فزع مغضب

شرار إعيونه تجدح للعدو إتكهرب

بيديه شال الرجس و بصوته من ضهضب

قله القاع بيك أمسحها من تقرب

أنا حيدر أبو الحسنين المجرب

و صاح إبصوت وين القوم دلوني

رفع سيفه و ذكر أمر الوصيه و قال

لله الأمر يا شيعه على كل حال

لو بيدي الأمر لحصدها هالأنذال

و أنا حيدر يشيعه الكل يهابوني