هل دمع زينب ...من جبد يلهب

هل دمع إلمن يهل... من يهل عاشور

نكتشف هالحال إشبيه من أحزان

جبد زينب ليش يلتهب نيران

إتحيط ناقتها فتيه من عدنان

تمشي وياها ...و كلها ترعاها

و حال زينب يبتدل... من يهل عاشور

زينب إشعدها بهالشهر أخبار

لا بد من العود إمودعه الأسرار

جان يخبرها حيدر الكرار

إبقلب يتصدع ...من الوطن تطلع

إبكربله زينب تحل ... من يهل عاشور

إرتحلت إويه حسين شوف رحلتها

إمخدره و للناس تبدي هيبتها

بت علي تمشي إبعزة إخوتها

و الشمل يمها ...إبخطر ما همها

و عرفت إفراق الشمل... من يهل عاشور

هالشهر أصبح سبب للدمعه

إمن النبي زينب جانت إتسمعه

الهادي يسمع بيه يبتدل وضعه

و زينب الكبره...جانت إتنظره

ينفجع سيد الرسل... من يهل عاشور

من زغر سنها لعد هجرتها

هالوضع معروف لعد فكرتها

من يهل عاشور تبدي نظرتها

لعد وجه حسين...تهل دمع العين

و تدري بالطف ينجتل... من يهل عاشور

طلعت إويه حسين إبشرف و بهيبه

و الركب يسري إبشوف ترتيبه

إبجمعت إخوتها إتحس بالمصيبه

بالهجمع تدري...عالخطر يسري

و تدري عنها ينفصل... من يهل عاشور

عود تتسله بالرضيع إتريد

تنظر النبله إتلوح إعله الجيد

إتشوفه منها اليوم يفرك إيد بإيد

قبل ما يضمه ...زينب إتكلمه

إتموت ضامي يالطفل... من يهل عاشور

إتحول النظره لعد راعي الجود

الفكر شيصور إيصور العامود

الدهر شيقلها ما عليه إزنود

و عقب جفينه...تنطفي عينه

إشوكت تنظر هالفعل... من يهل عاشور