رغماً عاللي عاده و غصباً عالأشرار

محبتك من محبة حيدر الكرار

باجر بالحشر موجوده جنه و نار

و النار إتاني العادانه

ليش اللي يحبك ما يحب حيدر

باجر بالقيامه إشلون يتعذر

مصيره النار كلمن للوصي أنكر

إنت الوصيت إبحب حيدر

إبميلادك يبو القاسم نباهي الكون

حبيب الله و رسوله إبسرك المكنون

اليلومونه ابمحبتك خلهم يلومون

منقذنه و غيرك ما نهوه

يا من تقصد المختار تعرف كون قدسيته

توالي عترته إبحبك و بيهم قول واليته

باطل كل عمل من دون حبه و حب أهل بيته

خسران الما ضاع أولاده

أوصل و إسأل الكل حاج أعلن للنبي إيوده

إذا ما يحب أهل البيت يم مهد الولي إشعنده

الكعبه و لون عدها إلسان مبغض حيدر إتطرده

و إتقله إترك مهد إوليدي

أمس رسموك من رسموك ظنهم إحنه نتغير

و سمعنه اشصار بالرسام لن باالنار ظل يسعر

إحنه أتباعك و هم إذيول الشانئ الأبتر

بالمحشر كلمن و أتباعه