يالحسين المنحر ناداكم نستشهد يا ريت إوياكم

شيعه إنصيح و ما ننساكم طريقك صار طريقك و تبعناه

دمك يحسين إينادينه و بصوت الثوره إيوعينه

و بلهفة شوق إتعنينه صده الأيام و من يهتف سمعناه

لامونه و رادونه إنعوفك مجروحين و جينه إنطوفك

تسقينه الكوثر بجفوفك عله الوجدان تاريخك كتبناه

هيهات الدنيه إتغيرنه و يشهد ماضينه و حاضرنه

لحسين إنصيح إبمنحرنه ميشينه إوياك و الضدك رفضناه

ما يوم إنعوف إمحبتنه منك نستلهم غيرتنه

شيعه و ما نخلف كلمتنه وسط كل عين عنوانك رسمناه

يحسين و أقسم بعيونك حبيتك و أصرخ مجنونك

عندك أحباب يوافونك عشق مجنون برهانك عشقناه