يا شهر المصايب عسن ما هليت أشاهد بيك زينب لا حمه لا بيت

عسن غيم اليحجبك يا شهر عني أول ما أشوفك جرحي يلجمني

أون و أنحب و أظل إبلوعتي ووني و أتمنه تروح إو يا شهر ما جيت

أشاهد بيك زينب تهمل المدمع فوق التل تصيح حسين خويه إرجع

أشوف الجيش يمك ليش يتجمع جاوبني يبو السجاد حي لو ميت

أشاهدها مشت يم جسم أبو اليمه و إتشوف السيوف إتوذر إبجسمه

أشاهدها تخضب راسها إبدمه يبن أمي أموتن يمك إتمنيت

تدور خنصره المقطوع متحيره ما بين الحوافر زينب إتدوره

تعالي إهنا يا يمه إتصيح يالزهره عافوني هلي و إبلا أهل ظليت

مشت للعلقمي زينب أشاهدها تظن عباس بيه روح و يجاوبها

يمن بيدك جبتها واجب إتردها تخليني غريبه إبهاي ما ظنيت

بعد ما أيست ردت إبحسرتها مهضومه و تصد النار خيمتها

كل صوت إبمتنها إتعاتب إخوتها بعدكم يالهواشم كون ما رديت