لبو اليمه ولائي ...يظل هذا ندائي ...حسينيٌ أنا

قالوا يالعشقت حسين بسك بالعشق غاليت

صحت يا من تلوموني أموت إبحضرته إتمنيت

من يوم الصرت لليوم نادر عمري لأهل البيت

و ببابه أصير إتراب تسحقني الخلق يا ريت

يمن قبلة دعائي ...يظل هذا ندائي ...حسينيٌ أنا

إشلون إتريد تمحي حسين من وجدان أحبابه

مجنون إبغرامه إتصير لو تمشي و تدق بابه

معذوره جباه الناس من سجدت عله إترابه

إحنه إبكل مسه و مصباح نهوه إنقبل أعتابه

إبصرخات إنتمائي...يظل هذا ندائي ...حسينيٌ أنا

خلها إشما تريد إتقول بعد متهمني عذالي

أموت آنه إبغرام حسين يظل محبوبي للتالي

يناس و خدمة المظلوم عقدة إعليه آمالي

باجر بالقبر هيه صحيفه إتصير لأعمالي

و أبو الأكبر رجائي...يظل هذا ندائي ...حسينيٌ أنا

صلاتي و صومي يا هالناس ابحب حسين مرهونه

مثله ما شفت بالكون يبجي إعله اليذبحونه

عماهم طمع دنياهم و ما جانوا يشوفونه

حسين إبكربله القرآن و المقروض يقرونه

صبح نجمه إبسمائي...يظل هذا ندائي ...حسينيٌ أنا

لا تسأل عله المحبوب حسين أشرف اسم شفته

حاء و سين ياء و نون هذا إبقلبي سجلته

دور لو ردت بالكون يا قصه المثل قصته

ولائي و حبي و إيماني وشم فوق الصدر شلته

بإخلاصي و ثنائي...يظل هذا ندائي ...حسينيٌ أنا