عشاق و بايعناك وقعنه إبدمنه إوياك

وقعنه إبدم المنحر شيعه إحنه و ما نتغير

خدامك يا بو الأكبر جينه إنوضح معناك

يحسين و جبنه إدمانه تحرس نحرك ويانه

دمنه إيردد بإلسانه قائدنه و ما ننساك

يحسين إبهاي الثوره نكتب لك أجمل ذكره

من دربك ما نتبره صوت المنحر ناداك

كعبة أحرار إنشوفك و بدمنه إنريد إنطوفك

يحسين إشلون إنعوفك رادوا ننسه و ردناك

إنت الآيه القدسيه يا بو الروح الثوريه

و برايات الحريه برض الطف لاقيناك

يا مظلوم و ضلع أمك أحرار و نتهتف بإسمك

خطيت الثوره إبدمك غالي إنت و ما عفناك

ابصوت العاشق بايعنه و صحنه الشاهد مرضعنه

بالطف حبك يجمعنه كل ما نملك يفداك

يحسين إشما قدمنه لجلك ما يبرد دمنه

نهجك عالحق علمنه إنحبك رغم العاداك